Hænan eða eggið? Kannski hænueggið... eða páskaeggið...

Oft spyr maður sig hvort hafi komið á undan hænan eða eggið?
Ekki er nú gott að svara því.
Mismunandi eins og tilfellin eru mörg.
Saksóknari fær 16 fastráðna...
Ok nú er tíminn til að fjarlægja þumalinn úr rassgatinu og fara að láta menn bera ábyrgð...
Vonandi að ferðir aðra leiðina til Tortola séu á mateðlinum fyrir sérvalda...

Stjáni blái í formannsslag við Snorra hægri vinstri snú með Bjarna gullskeið á kantinum...
Gaman að því.
Elskulegur Ástþór komin með eigin útvarpsstöð þar sem enginn vill hleypa honum að landsmönnum.
Væri gaman að fá að sjá hve margir hlusta á þá stöð lol...
Spurði bláan í gegn Sjalla um daginn hvort að hann ætlaði að kjósa X-D í vor?
Svarið var Já.
Hann gat ekki talað mig af þeirri skoðun að þeir sem koma til með að kjósa X-D i vor séu að samþykkja undanfarin 18 ár og það sem gerst hefur á þeim tíma.
Enda ekki hægt að afsala ábyrgð á því sem gerst hefur.
Þannig ef þú lesandi góður ætlar að kjósa X-D í vor þá ert þú að kvitta undir að það stjórnarfar og stjórnunarhættir sem liðist hafa á þeim tíma séu í lagi og sé það sem þjóðin þarf til að koma sér út úr þeim ógöngum sem við höfum ratað í.
Ég vil þjóðina á þing.
Borgarahreyfingin býður ein upp á þann valkost.
Ég mun kjósa þá það er klárt.
Skárra en að skila auðu sem er nst skásti kosturinn.
Lýðskrumarar eru þeir oft kallaðir, í mínum huga þá er fjórflokkurinn lýðskrumari ef einhver á að bera þann stimpil.
Geir segir í framhaldi af opinberun minnisblaða Davíðs og Seðlabankans að allt hafi verið gert sem í valdi ríkisstjórnarinnar var.
YE right my ass.
Vanhæfir aumingjar sem þeir voru.
Það er þó ljós í myrkrinu að töluverð endurnýjun er í röðum X-D en því miður þá er lítill munur á kúk og skít í mínum huga.
En sjáum til kannski hafa þeir gott af því að vera í andstöðu í nokkur ár.
Batnandi mönnum er best að lifa.

En hvað er málið með þann fyrrumágætismiðil Eyjuna?
Er þetta bara orðið bloggsvæði fyrir wannabeapoliticus eða hvað?
Finnst sá miðill hafa kaffærst í pólitísku bloggi eins og það var gaman að fara bloggrút þar áður.

Allavega jákvætt er að fokkings vorið er á næsta leiti.
Fyrst fáum við smá páskahret og páskaegg svo kemur blíðan í framhaldi.
Það eru stóru fréttir dagsins...

Saksóknari fær 16 fastráðna

Besta smásagan verðlaunuð.

Sæl öll,

Þið verðið að afsaka það að sagan er á ensku.
En góð er hún.
Hún fylgir hér á eftir:

One day, long, long time ago, there lived a woman who did not whine, nag, or bitch. 

 

 

 

 

 

 

 

 

 

But it was a long time ago, and it was just that one day.
The End

Bankastjórar yfirheyrðir

Út um græna grundu...

Mér finnst vera vor í loftinu.
Kannski er það bara óskhyggja.
Ef svo þá er það góð óskhyggja.
Mér finnst vorið skemtilegasti og besti tími ársins.
Þegar allt lifnar við og manni fer að hlakka til sumarfrís.

Sól og blíða, golf, línuskautar, hjólatúrar, fjallgöngur, legið og marinerast á sólbekknum, sundlaugarnar osfrv.
Góður draumur maður.

Einu sinni þegar ég var óharðnaður unglingur.
Var samt mjög harður unglingur þannig að þetta er kannski öfugmæli.
Allavega þá rifjaðist þetta upp fyrir mér þegar ég hitti gamlan félaga í vikunni.
Fyrsta helgin í júlí.
Mikið djamm, mikið fjör og fyrsti útborgunardagur sumarhýrunnar.
Á þeim árum tíðkaðist það að unglingar á Akureyri fjölmenntu í Vaglaskóg.
Vá hvað maður á margar góðar minningar þaðan uhh.
Vopnaðir Coca Cola svkísunum sem voru þá á hátindiferils síns lögðum við í hann.
Coca cola skvísurnar komu á eftir jójó-unum, gaman að því.
Reyndar rammhálfir á skellinöðru á leið í Vaglaskóg.
Við náðum ekki einu sinni á Leiruveginn því lögreglan stoppaði okkur á Drottningarbrautinni.
Illu heilli.
Mamma blessunin aumkaði sig yfir unglingana sem "ætluðu" í útilegu án tjalds og tilheyrandi búnaðar!
Keyrði okkur sem lið lá í Vaglaskóg.
Hefur líklega ekki haft hugmynd um hvað beið í Coke skvísunum né hvað búið var að innbyrða.
Í Vaglaskóg enduðum við.
Ég man ekki hvar við sváfum né hvernig við komumst heim, enda aukaatriði á þeim tíma.
Það var gaman á þeim tíma.
En það er skemmtilegra í dag án vafa.

Tilgangur sögunnar ???
Veit ekki don´t drink and drive...
Samanber aumingjans manninn sem lögreglan stoppaði í morgun.
Sá fær móral þegar hann kemst að því hvað gerst hefur.

Býrð þú yfir þekkingu?

Lentir þú illa í efnahagskreppunni?
Ertu atvinnulaus?
Veist þú eitthvað sem aðrir gætu haft gagn og gaman af að vita?
Hvernig væri að halda námskeið?
Miðla reynslu og þekkingu og fá greitt fyrir það.
Langar þig að halda námskeið en vantar aðstöðu?

Sendu mér póst á [e-mail] ef þú vilt vita meira.

Fylgdust illa með

Mjólk eða bjór?

Sumir í minni fjölskyldu drekka meiri mjólk en gott getur talist.
Spurning um að spyrja mágkonuna hvort eitthvað sé til í þessu.
Eða betri helmingin að því hvort það sé of langt síðan ég fékk mér kaldan ;)

Lengi getur vont versnað.

Það er nú þannig að huglægt mat manna er jú huglægt.
Meðan mat er huglægt getur það versnað.
Þegar það er orðið hlutlægt byggir það á staðreyndum.
Það er hlutlæg staðreynd að ef þessi ágæti maður grefur áfram sömu leið þá er hann í djúpum skít.
Hugsa að fáir sé ósammála því.

Bogi og Örvar gerðu "við erum í vondum málum" ódauðlegt.
Á það ekki vel við þessa dagana?

Mat Landsbankans of bjartsýnt?

Er fólk kannski bara fífl? ...

Goðsögnin um iðnaðarmanninn og viðgerðir á hans eigin heimili eru svo sannarlega sannar.
Þekki fleiri en eitt og tvo dæmi þess.
Skil samt ekki hvernig fyrirtæki sem eru að selja t.d klósettpappír geti leyft sér að vera ekki með klósettpappir eða þá að vera með gamlan klósettpappír á sínu eigin klósetti.
Sumir vilja smíða flekann áður en þeir fleyta honum.
Slíkt þykir forsjált.
En einnig eru til aðrir sem kjósa að að fleyta flekanum og smíða hann á flotinu ...
Hvort teljið þið vænlegra til árangurs?
Svo eru þeir sem hringja í þig með ákveðin tilgang í huga.
Verða svo æstir og reiðir þegar tilgangurinn er ekki að koma í hús.
Passið ykkur á því að æsa ykkur ekki á móti.
Þá er tilgangnum náð hjá "vonda karlinum"
Nú er kannski hætt við að ég geri einhvern brjálaðan.
En hey hehe mér er sama.
Kannist þið við þetta hérna vinstra megin?
Já dugleg eruð þið.
Þetta er svokölluð klósettseta.
Sjáið stelpur hún er lokuð...
Lok og seta eru niðri.
Þannig er hún lokuð.
En hér að neðan?

Þar er klósettseta.
Já gáfulegt að álykta það.
En er hún opin?
Ekki að mati kvenna.
Því setan er niðri...
Þá spyr ég sem karlmaður.
Á ég að míga með setuna niðri og lokið uppi eða á ég að míga með setuna uppi og lokið uppi?
Svarið er hingað til allavega... setuna uppi!
Ok þá er klósettið semsagt á neðri myndinni í kjörstöðu fyrir KVK leikmenn að gera stk sín. Ekki satt?
Stelpur væri ekki eðlilegt að loka klósettinu alveg?
Haldið þið kannski að það lofti betur um og komi síður saurlykt á salernið ef það er silið eftir opið?
Er kannski bara málið að þið viljið hafa þetta aðgengilegt fyrir ykkur?
Í mínum huga þá er það þannig að konur skilja klósettin eftir opin ekki karlar.

Konur og karlar.
Plús og mínus.
Heitt og kalt.
Gott og vont.
Svart og hvítt.

Konur hvað er málið með þessar skjaldbökur á msn?

Hvers vegna að kjósa? Og hvað?

Ég hef spurt sjálfan mig að því hvað á ég að kjósa.
Mér hefur eiginlega ekki dottið í hug að kjósa ekki.
Var líklega alinn þannig upp að það væri spreð að láta atkvæði niður falla.
Þá vandast valið ef maður þarf að kjósa ekki satt'

Ég er búin að vera hugsa þetta.
Ef ég kýs X-D þá finnst mér ég vera að segja að síðustu 18 ár voru fín.
Þið voruð bara pínu óheppnir, ef þið hefðuð bara fengið aðeins meiri tíma þá hefði þetta allt reddast.
Klárlega að stærstum hluta að kenna hvernig komið er fyrir okkur núna.
Arkitektin að kerfinu sem hrundi.
Alveg eins og virkur alki.
Sjálfstæðisflokknum treysti ég ekki.

Ef ég kýs X-S þá finnst mér ég vera að verðlauna fólk sem komst til valda og fór í stjórn með andstæðum póli. Tveir stærstu pólarnir og darírarí rey var syngið fyrir síðustu kosningar. Mótvægi við Sjálfstæðisflokkinn. Lítið mótvægi að skríða svo upp í rúm með erki óvininum eftir orrustuna.
Samfylkingin er ekki trúverðug.

Ef ég kýs X-B jedúddamía veit ekki á hverju ég á að byrja, klárlega byggingastjórinn að kerfinu sem hrundi. Færði vildarvinum bankana osfrv. Nýtt útlit nýr formaður en sama gamla pakkið sem getur ekki komið sér saman um neitt. Ég í alvörunni hugsaði um að kjósa X-B eftir að Sigmundur var kjörinn formaður, sem gerðist reyndar rétt eftir að Hössi var formaður í 5 mín eða svo. Kannski maður hefði átt að taka því sem fyrirboða um það sem koma skyldi.
Framsóknarflokkurinn þarf að fara í gagngera lúsahreinsun og laxera í nokkur ár til viðbótar.

Ef ég kýs X-V hvað þá? Eini flokkurinn sem á ekki aðkomu að þessu gengdarlausa efnahagshruni sem orðið hefur. En samt sem áður þá búa þeir ekki yfir trúverðugleika. Steini joð segir fyrir stjórnarsetu AGS burt Norðmenn inn enga Evru bara NKR og hvað gerist? Ekki neitt nákvæmlega ekki neitt. Froðusnakkur eins og flestir sem eru eins langt til vinstri í stjórnmálum eins og hann.
Vinstri Græna skortir tvímælislaust trúverðugleika, fengu tækifærið til að heilla mig en tókst það engan veginn.

Ef ég kýs X-L þá er ég að segi ég vil ekki EU. Þá segi ég Bjarni var bara óheppin að tjaldið féll akkurat í þann mund sem hann var að leggja til Valgerðar með kutanum. 
L lístinn er lýðskrumsflokkur hehe sem byggður er á óánægjufylgi meðal óánægðra ófullnægðra hundshausa.

Ef ég kýs X-O hvað þá. Þeir eru þeir einu sem ekki komu að efnahagshruninu, þeir vilja berjast gegn völdum fjórflokksins, sem fjórflokkurinn ver fram í rauðan dauðann. Þeir vilja rannsókn, kærur, eignaupptöku, frystingu eigna og niðurstöðu í hað gerðist.
Þeir vilja stjórnlagaþing til að hlutir geti breyst hér eftir þjóðfélaginu til góðs.
Ég held að ég þurfi ekki að fjölyrða um það hvar ég muni setja X-ið mitt.

En þú hvað ætlar þú að kjósa?
Ert þú ánægð/ur með síðustu og núverandi stjórn?
Viltu áfram ójöfnuð?
Viltu áfram fjórflokkinn sem hleður undir katlana, t.d framlög ríkisins til stjórnmálaflokka og 5% þröskuldurinn?

Ef svarið er já kæri kjósandi hér að ofan þá verði þér að góðu.
Vona að þú getir horft framan í börnin þín í framtíðinni og hugsað með þér ég gerði rétt.
Tími breytinga er núna.
Ég vil búa börnunum mínum bjarta framtíð.
En þú?

Reykjavík með „ódýrustu" borgum

ENRON á Íslandi...

Tók mér það bessaleyfi að "stela" þessari grein af vef Silfur Egils.
Fór um mig hrollur við að lesa þetta.
Aðgerðarleysi... aðgerðarleysi og meira aðgerðarleysi er það sem hefur verið viðhaft hér.
Hvernig væri að menn tækju ofan silkihanskana og létu útrásarvíkingana "okkar" bera ábyrgð á því sem þeir sannarlega gerðu.
Að mínu mati eftir þennan lestur er ekki eftir neinu að bíða.
Hættum að karpa um hvenær að leysa upp þing og förum að tala um það sem máli skiptir.
Ég heimta aðgerðir...
Hver getur hugsað sér að kjósa einhvern af þeim flokkum sem eru í boði í næstu kosningum ef ekkert hefur verið gert í því að láta menn sæta ábyrgð? Ekki ég svo mikið er víst.
Þeir sem eru það hugaðir að geta hugsað sér það er frjálst að gefa sig fram í athugasemdakerfi.

Eftir að horfa á fróðlegan þátt um uppgang og fall bandaríska orkufyrirtækisins ENRON um s.l. helgi skilur maður enn síður en áður aðgerðir og aðgerðaleysi íslenskra  stjórnvalda eftir útrásar- og bankahrunið hér.  Þetta segi ég nú vegna þess að ENRON hrunið og íslenska útrásar- og bankaævintýrið virðast vera náskyld fyrirbæri, nánast eins og eineggja tvíburar.   Við nánari skoðun virðast eftirtalin gen líka vera þau sömu í báðum fyrirbærum.

1.  ENRON fór í útrás vítt um heiminn allt til Indlands.  Íslenska ævintýrið fór líka í útrás vítt um Evrópu og til fleiri landa.
2.  ENRON stækkaði langtum hraðar en önnur fyrirtæki í sínu umhverfi.  Íslenska ævintýrið gerði það líka.
3.  Stjórnendur ENRON könnuðust ekkert við neitt óeðlilegt í starfsemi fyrirtækisins.  Sama með stjórnendur íslenska ævintýrisins.
4.  ENRON beitti blekkingum til að hækka gengi hlutabréfa fyrirtækisins.  Íslenska ævintýrið líka.
5.  ENRON hafði á sínum snærum endurskoðendur sem skrifuðu upp á allt sem lagt var fyrir þá.  Svo virðist líka hafa verið hér.
6.  ENRON fann upp á alls konar nýungum til að stækka spilapottinn. Íslenska ævintýrið virðist hafa gert það líka.
7.  ENRON notaði fjölda gervifyrirtækja og gervigerninga til að hagræða hagnaði og afkomutölum og fela slóðir og peninga.  Íslenska ævintýrið virðist hafa gert það líka.
8.  ENRON hæddi , rak og rakkaði niður aðila sem leyfðu sér að hafa uppi efasemdir og óþægilegar spurningar um fjárhag fyrirtækisins.  Þetta virðist nú hafa gerst hér líka.
9.  ENRON stal ævisparnaði margra starfsmanna og óskyldra aðila með aðgerðum sínum.  Þetta gerðist líka hér.
10.  ENRON féfletti viðskiptavinina með því að neyða upp á þá margföldu verði á orku frá fyrirtækinu.  Hér hafa líka verið notaðar svipaðar féflettingar í skjóli fákeppni á markaði.
11.  ENRON reiknaði út framtíðarhagnað af ýmsum samningum og nýungum í rekstri fyrirtækisins og greiddi strax út til tiltekinna eigenda hagnað af þessum samningum.  Þetta var víst líka gert hér.
12.  Helstu eigendur og stjórnendur ENRON greiddu sér himinhá laun og bónusa þó allt væri í raun á hvínandi hausnum.  Sama hér.
13.  ENRON stýrði stjórnmálamönnum með því ýmist að kúga þá eða styrkja þá.  Sama hér.
14.  ENRON var skítsama um alla og allt nema að ná til sín öllum þeim peningum sem mögulegt var.  Sama hér virðist mér.
15.  Stjórnendur og eigendur ENRON lugu blákalt árum saman um það sem þeir voru að gera.  Sama hér.
16.  ENRON hrundi mjög skyndilega.  Sama hér.

Það má halda eitthvað áfram með þessa upptalningu, en fyrir venjulegt fólk er það óþarfi, það skilur eins og 2 plús 2 eru fjórir að ENRON og íslenska banka- og útrásarævintýrið (hér eftir skammstafað ENN RÁN) eru náskyld fyrirbæri.  Helsti munurinn að annað fyrirbærið er „Made in USA“, hitt er „Íslensk framleiðsla“.

Það er þó eitt sem skilur á milli.  ENRON fjársvikunum lauk með hruni fyrirtækisins fyrir nokkrum árum síðan en Íslenska ENN RÁN hrundi fyrir aðeins fáum mánuðum síðan.  Að ýmsu leiti virðist  ENN RÁN að sama skapi vera dálítið endurbætt útgáfa af ENRON og koma hér nokkrar staðreyndir því til stuðnings.

1.  Við fall ENRON voru helstu eigendur og stjórnendur handteknir og í framhaldinu leiddir fyrir rétt vegna stjórnunarhátta sinna.  Í hinu endurbætta ENN RÁN hefur öllum eigendum og stjórnendum tekist að komast hjá þessum leiðindum.
2.  ENRON var tiltölulega smátt í sniðum á hlutabréfamarkaði, var einungis eitt fyrirtæki af mörgum á bandarískum hlutabréfamarkaði.  Hér var hið endurbætta ENN RÁN nánast allur markaðurinn.
3.  ENRON skaðinn náði til aðeins nokkurra tuga milljóna manna í heimalandinu, sem telur um 300 milljónir íbúa.  Hið endurbætta ENN RÁN hefur steypt heilli þjóð í fjárhagslega glötun auk tjóns hjá enn fleiri íbúum annarra landa.
4.  Það datt engum í hug að vera svo vitlaus að setja meira peninga í ENRON til að endurreisa það eftir hrunið.  Hér er lögð megináhersla á að endurreisa hið endurbætta ENN RÁN, að hluta að minnsta kosti, með verulegum fjárframlögum frá skattgreiðendum.
5.  Eftir að ENRON hrundi fengu þeir sem helst höfðu gagnrýnt fyrirtækið og verið taldir illkvittnir úrtölumenn, uppreisn æru og viðurkenningu á að þeir höfðu eftir allt saman haft rétt fyrir sér.  Hér er enn haldið áfram að kúga menn sem hafa reynt að halda aftur af hinu endurbætta ENN RÁNi.

Ég verð að óska ykkur og sérstaklega ríkisstjórninni til hamingju með þessi einstaklega jákvæðu viðhorf  til ENN RÁN.  Það væri gaman að vera Íslendingur í dag ef passað væri svona vel upp á hag almennings.

Reykjavík 2. mars 2009.

Jón P. Líndal.

Hér var ekki hörð frjálshyggja

Það eina sem hægt er að treysta á...

Jæja vonandi að langa vitleysan um þennan blessaða Seðlabanka ljúki með þessu.
Ég sé samt í mínum spilum að Davíð blessaður muni nú ekki láta staðar numið.
Komin timi til að hann tali hreint út um allar þessar dylgjur sem hann hefur verið að daðra við.
Komin tími til að nefna þá alþingismenn og einkahlutafélög sem hafa notið sérkjara hjá bönkunum.
Er ekki komin tími til að þjóðin fái að vita það sem hún þarf að vita.
Ég mun ekki leggja trúnað við orð Davíðs þangað til að slíkir hlutir eru komnir fram.
Þangað til er þetta smjörklípa í mínum huga.
Því nú er ekki tími hálfkveðinna vísna eins og áður var.

Árni Matt temmilega búin að koma sér í skjól þegar það fréttist á klakann að ástæður hryðjuverkalagana sé samtal hans og Darlings.
Ég vil sjá fleiri af sama sauðahúsi og Árna draga framboð sitt til baka.
Úr öllum flokkum.

Held samt að því miður sé það þannig að það eina sem við getum treyst á sé veðrið.
Allt annað er óútreiknanlegt.
Þversögn að segjast geta treyst á veðrið ekki satt.
Sýnir kannski frekast hvernig komið er fyrir okkur.
Hverju er að treysta?

Það þarf mikið að breytast fram að kosningum til að mín kynslóð verði jákvæð og geti hugsað sér að vera hér áfram.
Hef alltaf verið pólitískur en óflokksbundinn.
Hef ekki gefið mikið fyrir sérframboð hingað til.
En mér hugnast það sem Lýðveldisbyltingin eða Borgarahreyfingin eru að boða.
Þar erum við að tala um endurreisn lýðveldisins sýnist mér. 
Ætla allavega að skoða boðskap þeirra betur.
Vonandi að þeir fái frambærilega frambjóðendur á lista.
Því miður þá eru gömlu flokkarnir að reyna að fá "stjörnur" með persónufylgi til liðs við sig.
Óttast að það muni virka og fjórflokkurinn verði eftir sem áður það sem okkur verði boðið upp á.

Nýr seðlabankastjóri settur