Heimur versnandi fer eða hvað?

Ég styð greiðsluverkfall heilshugar.
Hvers vegna?
Einfaldlega vegna þess að það hefur ekkert segi og skrifa ekkert verið hugsað um skuldara þessa lands til langframa af stjórnvöldum.
Fjármagnseigendur hafa fengið sitt u.þ.b 200 milljarða og þá er ekkert eftir handa hinum venjulega meðal Jóni sem skuldar.
Ég vil ekki almenna niðurfellingu, þeir sem lifðu of hátt og tóku lán ofan á lán endurfjármögnuðu eignir sínar til að lif hærra osfrv eiga ekki skilið niðurfellingu.
Eina vitið er að lagfæra gengislánin og endurstilla vísitölur.
Öðruvísi verður enginn sátt.

Vá hvað það er samt mikið fokk í gangi í þessu þjóðfélagi.
Borgarahreyfingin sprungin. Farið hefur atkvæði í hundskjaft.
Davíð á leið í ritstjórastól Moggans. Þýðir það að maður les aldrei Moggann né mbl.is og hættir að blogga hér.
Gengisvísitalan enn í hæstu hæðum.
AGS enn að temja ríkið á asnaeyrunum.
Icesave byrðar á leið á bakið á okkur sem við munum aldrei geta staðið undir.
Við að reyna komast í ESB.
Það má telja áfram á þennan hátt endalaust.

Held að almenningur þessa lands ætti að taka sér heykvíslar í hönd og mæta á Austurvöll til almennrar hreingerningar.
Bændur landsins þó svo að áburðarverð sé hátt þá hvet ég ykkur til að hreinsa aðeins til í haughúsinu mæta með haugsugur ykkar og frussa úr þeim yfir Alþingishúsið, mjólkurbændur helst af öllu vildi ég sjá ykkur með skyr a la Helgi Hóseasson.

Það þarf nú ekki einu sinni að minnast á það að enn eru útrásarvíkingarnir lausir og liðugir.
Er ekki neitt dómskerfi á þessum klaka spillingar og endalausrar vanhæfni.
Sjáið þið eitthvað land í hinum vestræna heimi þar sem "þetta" myndi viðgangast?
Svo er náttúrulega spurning hvort Ísland hafi nokkurn tíma talist til siðaðs lands í hinum vestræna heimi, en það er annað mál.

Allavega þá er ég löngu búin að fá mig fullsaddann af "þessu" endalausa kjaftæði sem boðið er upp á hér á Apaplánetunni.
Bara spurning hvað næsta rökrétta skref er?

Innan við þriðjungur tilbúinn í greiðsluverkfall