Jólin koma 24 des. er það ekki...

Mér finnst vera kjánalega mikill svipur með þessum mönnum.
Vona að það sé paranoja mín en ekki staðreynd.
2 mánuðir og það mun koma í ljós.

 

Hugleiðing dagsins:
Sá sem stjórnar vindinum og regninu stjórnar líka regnboganum...

Hversu cool væri...

Það að liggja á hótel mömmu eina helgi.
Skella sér á tónleika.
Borða endalaust af góðum mat.
Njóta samvista við börn og ættingja.
Uppskriftin af þessri yndislegu helgi sem ég er búin að eiga.
Hvernig stendur á því að maður gerir ekki meira af þessu að koma sér úr borgariðnum.
Ekki það að mér líður vel í borginni.
Vil hvergi annar staðar búa.
Allavega ekki í augnablikinu.

En hversu cool væri...
Að IMF (alþjóðagjaldeytissjóðurinn) og Rússarnir(með olíugróðan sinn) kæmu til Íslands?
Í mínum villtustu draumum kæmu þeir með þá kröfu að ríkisstjórnin myndi þurfa frá að hverfa.
Þeir sem eru ráðherrrar í dag myndu verða óbreyttir þingmenn.
Ópólitískir ráðherrar yrðu ráðnir, sérfræðingar á sínu sviði.
Engar hrossalækningar þar á ferð...
Er einhver að sjá að það séu aðrir þingmenn sem myndu geta leitt okkur í gegnum þennan vanda sem blasir við?
Eru Steingrímur jákvæði og Ögmundur önugi mennirnir...
Guðni grallari og Bjarni bölvaði...
Jón yfir rasisti og Addi Kiddi Gay maraþon hlaupari...
Best til þess fallnir?
Nei í mínum huga þá þurfum við engar kosningar.
Við þurfum utanaðkomandi aðila ópólitíska...
Einkavinavæðing eða einkavinaskipanir í embætti þurfa að heyra sögunni til.
Hvernig væri að nýta tækifærið og stokka hressilega upp í þessu.
Best væri af nánast allir 63 þigmennirnir okkar myndu taka að sér leiðsögn um Nova Scotia eða Jan Mayen.
Líklurnar að þessu draumsýn verði að veruleika.
Er í raun minni en engin.
Hví? Jú það eru jú þannig að það eru pólitíkusarnir sem stjórna því hvort gengið verði að kröfum IMF t.d
Fjármálaeftirlitið og Seðlabankinn...
Þar væri krafa að allir topphausarnir myndu fjúka.
Tími hrossa og skottulækninga af hálfu ríkisins hlýtur að vera lokið...

Speki dagsins:
Ekki keyra á miðjum veginum og ætlast til þess að allir víki fyrir þér...

Framfaraflokkurinn... frelsi til fólksins...

Já heilsist öllum heimarómi blíðum..
Öll él styttir upp um síðir...
Stöndum af okkur storminn...

Þetta eru skilaboð Framfaraflokksins til alþýðunnar í landinu...
Við viljum...
Koma bönkunum aftur í útrás...
Hækka ofurlaunin...
Taka kosningaréttinn af konunum...
Banna bleika litinn...
Hefta frelsi fjölmiðla...
Hafa eina ríkissjónvarpsstöð...
Ekkert sjónvarp á fimmtudögum...
Sumarfrí frá miðjum júní til miðs ágúst...
Minnka atvinnuleysi með því að koma konunum aftur á bakvið eldavélarnar...
Ráða Davíð til lífstíðar í Seðlabankanum...
Festa stýrivexti í 15,5%...
Takmarka gjaldeyrisviðskipti...
Handstýra gjaldeyri til heildsala og almennings...
Festa Sjálfstæðisflokkinn í stjórn með stjórnarskrár breytingu...
Taka upp svart hvíta sjónvarpið aftur...
Hafa mjólkina í gleri...
Koma fólki í skilning um hollustu þess að éta feitt ket...
Lífrænt verði bannað...
Setja á bjórbann á nýjan leik...
Kenna æsku vorri frá og með leikskólaaldri Nassjonalinn...

Foringinn kveður...

Þú hefur valið... eða hvað...

Það að hafa valið...
Getur þýtt að þú getur valið...
Eða þá að þú hafi þegar valið...
Ef ég myndi velja að taka sparifé mitt...
Úr bankanum mínum...
Kaupa fyrir það t.d evrur...
Æji nei ég hef ekki það val...
Bankarnir segja að ég megi bara ekki kaupa gjaldeyri nema upp að ákveðinni upphæð...
Það þýðir það að ég...
Hef ekki valið...
Þó svo að ég hafi kannski valið...
Það að flytja úr landi...
Gagnslaust fyrir mig að flytja af landi með íslenskar krónur í vasanum...
Það vill þær enginn...
I wonder why?
Ekki er það valkostur að fara með kreditkortin í vasanum...
Er ekki gengið á evrunni þar langt yfir 200 karlinum?
Jú eiginlega skv VISA þá er það tæpar 229 kr per evru...
Takk fyrir það...

Ég get semsagt ekki valið það að flytja úr landi eins og sakir standa...
Þó svo að ég hafi valið...
Eða ekki...

Svo er sagt að maður sé með Bs. í bulli...
Bullshit...

An American said:
 
 
"We have George Bush, Stevie Wonder, Bob Hope, and Johnny Cash."
 
And an Icelander replied:
   
"We have Geir Haarde, no Wonder, no Hope, and no Cash".

Svo mörg voru þau orð...

Nú heimur versnandi fer... eða hvað

Þeir sem trúa á Karma hoppa væntanlega hæð sína í loft upp þessa dagana.
Hvort sem þeir fylgja Davíðs arminum eða Götustráka arminum.
Ég tilheyri hvorugum.

Mér finnst bara gott að vita ekki hvað mér á að finnast.
Það er lúxus allavega um þessar mundir að mínu mati.
Fávísi getur verið af hinu góða.
Það er staðreynd.

Rétti upp hönd þeir sem treysta Davíð og Geir til að sigla þjóðarskútunni úr þessu ölduróti sem við erum í.
Kannski eru þeir snillingar sem allt í einu geta leyst okkar vandamál.
Mig hlakkar allavega til að sjá hvernig þeir ætla að fara að því að lagfæra gengið.
Mig hlakkar til að sjá að þeir lækki vexti um 5-8% á einu bretti.
Þetta eru aðgerðir sem ég tel að þurfi að gera til a bjarga heimilum landsins.
Frá gjaldþroti hvorki meira né minna.
Við landsmenn getum ekki beðið í margar vikur eða mánuði eftir lausnum fyrir okkur.
Ég með "smá" bílalán sem dæmi, mánaðargreiðslur hækka um 8 þús milli mánaða.
Hvernig ætli þær fjölskydur sem eru með tugþúsunda lán í erlendri mynt vegna fasteignakaupa hafi það?
Ekki öfunda ég þá einstaklinga.

Magnús danaprins er að koma á klakann á fimmtudag.
Verður hjá mér í tíu daga.
Að sjálfsögðu verður brunað beint í Síberíuhérðuðin á föstudeginum.
Maður þarf að athuga hvort maður þurfi að setja undir vetrarbarða fyrir road trippið.

London er búin að vera uppáhaldsborg mín í mörg ár.
Hef heimsótt hana árlega í dágóðan tíma.
Veit ekki hvort ég fæ tækifæri til að heimsækja hana í ár.
Stóra spurningin er kannski mun mér verða óhætt að gefa upp að ég sé íslendingur þegar og ef ég fer þangað.
Kannski er það orðið þannig að það sé betra fyrir okkur að þykjast vera danir eða pólverjar

Í tilefni af fjárkröggum á alþjóoðamörkuðum langar mig að endurvekja skemmtilega orðabók:
Áhættufé: Fífldjarfar sauðkindur
Eigið fé: Kindur sem maður á sjálfur
Fégirnd: Afbrigðileg kynhneigð (Að girnast sauðfé)
Fjárdráttur: Samræði við kind
Fjárhagur: Einhver sem er afar laginn við sauðfé
Fjárhirslur: Geymslur fyrir sauðfé eða fjárhús
Fjárlög: Mörg lög sem samin eru um sauðfé
Fjármagn: Þegar margar ær koma saman
Fjárhús: banki
Fjárglæfrar: gapalegur rekstur á fé í fjöllum

Er fókusinn í lagi...

Það er oft betra að vera með fókusinn í lagi...
Vera einbeittur í því sem maður tekur sér fyrir hendur...
En öllu má nú ofgera...
Stundum þarf maður að taka tillit til þess hvað er á bakvið myndirnar sem maður er að taka...

Ísl.. enska...

Pine : Fura
Apple : Epli
Pineapple : Ananas

Svo eru menn hissa á því að gengisvísitalan sé flöktandi og í frjálsu falli...
Er ehv í þessu þjóðfélagi sem meikar sense?

Maður hreinlega spyr sig.

Má ég ekki mamma með í leikinn þramma...

Nenni sko ekki að segja mína skoðun á Glitnir banki...
Stundum er betra að leyfa börnunum að brenna sig...
Segi ekki eitt orð í viðbót...

Snúum okkur frekar að því sem máli skiptir...
Samskipti kynjanna...
Oft kynleg...
Kvöld með strákunum vs. kvöld með stelpunum...

 SMELLIÐ Á MYNDIRNAR TIL AÐ STÆKKA ÞÆR...

 

 

 

 

 

 

 

 

 

 

 

Speki dagsins er handa forystumönnum í fjármálaheiminum á Íslandi í dag:

Þótt þú sjáir ekki tindrandi stjörnurnar á himninum þýðir það ekki að þær séu horfnar.
Þær eru aðeins á bakvið skýin og þú munt sjá þær skína á ný.

 

 

Hjálpaðu mér upp mér finnst ég vera drukkna...

Glymur úr öðru hverju húsi þessi dægrin.
Var í göngutúr í gærkvöldi í huga mér.
Frá öðru hvoru húsi heyrðist Svanasöngur.
Áttaði mig ekki á því fyrr en í morgun hvað um var að vera.
Þegar ég kom að rúðum bíls míns fallega hrímuðum.
Áttaði ég mig á því að söngur gærdagsins var Svanasöngur krónunnar.

Eitt er klárt að upptaka Evru er ekki valmöguleiki eins og staðan er.
Auk þess að það leysir ekki þann vanda sem er hér.
En hvernig stendur á því að forystumenn eða fólk almennt minnist ekki á:
Tengingu við Evruna...
Er það ekki möguleiki fyrir okkur?
Minnist þess að Geir og Grani í ríkisstjórninni töluðu um það í vor að
"Talað væri um að gengið væri í jafnvægi í 135 stigum ehv svoleiðis"
Við skyldum bara vera róleg og leyfa þessari gengisleiðréttingu að ganga yfir.
OK nú erum við aldeilis búin að vera róleg.
Krefst þess að heyra SMELL frá stjórnarráðinu þegar hausinn á Geir skýst úr rassgatinu á honum.
Hann getur hvergi annar staðar verið.
Nema jú kannski hann sé í því að koma okkur í öryggisráðið.
Ekki má nú gleyma mikilvægi þess fyrir heimilin í landinu og pyngju okkar ;)

Rétti upp hönd sem væri til í að fá handvirka gengislagfæringu á A la kommunistar og láta setja gengið fast í kringum 135 stig.
Ríkið borgar brúsann.
Þeir eru jú búnir að vera "safna í kornhlöðu" "sanka að sér til mögru árana" osfrv.

Mikið er ég þakklátur í dag fyrir að vera einungis með um 1mkr lán í erlendri mynt.
Veit bara hve mikið afborgarnir af því hafa hækkað.
Býð ekki í það ef ég væri með 20 - 50mkr á húsi...
Þá erum við að tala um sjitt og sjæse...

Speki dagsins:
Það er betra að reyna og mistakast en þora aldrei neinu...

Hugleiðing dagsins:
Að hafa trú á einhverjum sem aðrir hafa sniðgengið er leið til að öðlast tryggan vin sem ber traust til þín...

Þegar ljósin eru slökkt 1, 2 og 3... †

Staðreynd... †
Það eiga allir sinn vitjunartíma.
Sorglegt... †
Þegar vitjunartími ungs fólks er að flestra mati snemma á lífsferlinum.
Ósanngjarnt... †

Oft er reiði og gremja það fyrsta sem kemur upp í hugann.
Kannski virkar það fyrir suma.
Sorgin kemur út á eins mismunandi hátt og fólkið er margt.
Ekki ætla ég að dæma um það hvort eða hvernig á að syrgja.
Það er ekki að mínu mati til neinn hlutlægur mælikvarði á það að syrgja.
Er ég góður syrjgandi?
Ég veit það ekki.

Þegar þá Vá ber að dyrum að góður vinur kveður óvænt.
Þá er auðvelt að reiðast.
En gæti ekki verið betra að biðja fyrir viðkomandi?
Biðja fyrir þeim sem næst standa?

Ég er þakklátur í dag fyrir það fólk sem ég hef fengið að kynnast á lífsleiðinni.
Hvort sem það er æskuástin eða fúll á móti viðskiptavinur í vinnunni.
Maður getur alltaf lært af öllum.
Það eina sem þarf til er viljinn og jákvætt hugarfar.

Speki dagsins:
Kærleiki er að biðjast afsökunar.