Nokkrum dögum eftir kosningar.

Byrjar ballið.
Allir voru sigurvegarar meira að segja SjálfstæðisFLokkurinn vann varnarsigur.
Samspillingin vann stórsigur en er samt minni en hún var eftir kosningarnar 2003.
VG bætti við sig en gjörtapaði kosningabaráttunni.
Stríðsmenn VG á götunum kenna orðgjálfri Kolbúnar Halldórs um.
Svo má vel vera.
En staðreyndin er samt sem áður sú að á meðan ég hef fylgst með pólitík þá hafa vinstri flokkar alltaf fengið minna úr kössunum en könnunum.

Ég studdi Borgarahreyfinguna nú er aðalmálið það að Þráinn sé með heiðurslaun frá ríkinu.
Gott og vel mér finnst að hann eigi að afsala sér þeim meðan hann situr á þingi eða þá að láta þau renna til góðra málefni.
En ég geri líka kröfu á það að ALLIR þingmenn gefi upp hvaða önnur laun þeir hafi og láti þau einnig renna til góðra mála.
Stjáni blái fyrrv bæjarstjóri á Akureyri er skýrasta dæmið.
Upp á borð með öll spil og ekkert kjaftæði.
Breyttir stjórnunarhættir og bullið burt.
Þið eruð jú í vinnu hjá okkur, nema þið sem hafið þegið milljónastyrki frá fyrirtækjum landsins, þið eigið að segja af ykkur áður en búsáhöldin fara af stað aftur.
Það er nefnilega deginum ljósara að það er mikið sem á eftir að koma á yfirborðið í styrkjamálum um það er ég sannfærður.

En hvað er með þennan helvítis leik í sambandi við myndun stjórnar.
Held að við ættum að kalla hana LEIKSTJÓRNINA
Hundur skal ég heita ef þessir flokkar láta ekki valdasýki sína stjórna því að þeir muni starfa saman.
Klárt er að VG mun sætta sig við að annað hvort alþingi eða lýðurinn muni fá að kjósa um það hvort ganga skuli til aðildarviðræðna um ESB.
Að halda öðru fram er fásinna.

Passið ykkur bara á því að það er margt mikilvægara og í forgangi hedur en að kjósa um ESB t.d það að koma bönkunum í gang og lækka vexti.
Það þarf jú að hafa heimili og atvinnulíf í landinu sama hvað verður um ESB.
ESB er ekki að fara lækka hér vexti eða koma bankakerfinu í gang á þessu ári né því næsta.

Koma svo vinna vinnuna sína folks...

Þjóðin verður að ráða

Athugasemdir

[Freyr Hólm Ketilsson, 27.4.2009 kl. 16:28]

Sæl Sigga,
Ég hef ekki gefist upp á því að lýðræðisumbótum þeim sem Borgarahreyfingin vill sjá verði komið á.
Stjórnlagaþing, persónukjör og opið bókhald flokkanna eru fá dæmi en mikilvæg um það sem verður að koma út úr þessu öllu saman.
Það jákvæðasta í mínum huga er lýðræði framar flokksræði.
Þorgerður fer ekki í mínar taugar, tvískinnungsháttur eins og hún sýndi Þránni í sjónvarpinu um daginn gerir það.
Mikið er ég samt sammála þér í því að meira hefði mátt vera búið að koma í ljós um spillingu flokkanna fyrir kosningar.
Vonandi samt að fólk gefist ekki upp.
Samt leiðinlegt ef það þarf gjaldþrot þeirra fyrirtækja sem styrkja líkt og FL-group og Baugs til að sannleikurinn komi í ljós.
Ég get ekki verið sammála þér í því að "tækifærið" hafi runnið frá Borgarahreyfingunni eða byltingarsinnum við það að bjóða sig fram til þings.
Í mínum huga er það alveg kristaltært að X-D og X-S voru ekki að gera neitt varaðandi rannsókn á hruninu eða til bjargar heimilum eða fyrirtækjum áður en þeim var "bolað" burt.

[reyjinn (IP-tala skráð) 27.4.2009 kl. 19:01]

Til lukku med arangur tinna manna. VG voru alltaf bunir ad segja ad esb ætti ad fara i tjodaratkvædi, kalla tad ekki ad lata undan einu ne neinu ef tad verdur i stjornarsattmala. Teir munu hins vegar klarlega tala gegn esb i undanfara hugsanlegrar tjodaratkvædagreidslu.