Fló á skinni hvals kannski...

Já það er ekki skrítið að sýningin Fló á skinni hafi hlotið góðar viðtökur.
Fór á það með frillu minni í gærkvöldi.
Þvílík skemmtun...
Farsi af bestu gerð.
Hlátur út í gegn svo lá við tárum.
Mæli með farsanum með frösunum fyrir alla sem vilja gera sér glaðan dag.

Hvalveiðar...
Með eða á móti?
Já eða Nei?
Hef svosem aldrei haft neina skoðun á þeim per se.
Gott að nýta landsins og hafsins gæði svo lengi sem það er á sjálfbæran hátt.
Ekki satt?
En mikið óskaplega er Kristján Loftsson hvalur með meiru leiðinlegur maður.
Eftir leikhús skelltum við okkur á góðan veitingastað í borginni.
Varla í frásögur færandi nema þar var greinilega verið að gleðjast yfir vægast sagt umdeildri ákvörðun Einars K sjávarútvegsráðherra að leyfa hvalveiðar næstu 5 árin.
Þar var Kristján Loftur leiðinlegi hrókur alls fagnaðar.
Hávaði og læti líkt og gaurinn væri í aðgerð... að kútta hval...
Ákvörðunin per se er í lagi min vegna að leyfa veiðarnar...
En að gera það með þessum hætti Einar sýnir mér enn og aftur hvernig Sjálfstæðisflokkurinn hugsar um sig og sýna.
Háttvirtur þingmaður Sjálfstæðisflokks Jón Gunnarsson sem mikið hefur talað fyrir hvalveiðum var þarna einnig...
Væntanlega í boði Hvals í mat og drykk.
Svona virkar þetta gott fólk svona virkar þetta.

Furðulegt að Framsóknarflokkurinn hafi svona mikið að segja um hvernig stjórn sem hann ekki tekur þátt í ætlar að vinna verkin.
En Sigmundur er að koma sterkur inn.
Jákvætt finnst mér að heyra að Magnús Stef á NV kjördæmi ætli að víkja...
Gefur manni von um að endurnýjun komi allavega til með að eiga sér stað í röðum framsóknarmanna.
Ég persónulega vil sjá lágmark 40 nýja þingmenn á þingi eftir næstu kosningar.
Konur og menn sem ekki hafa verið í framvarðasveit flokkana hingað til.
Konur og menn sem eru tilbúin að breyta stjórnskipulagi hér...
Vil fá að kjósa menn en ekki flokka.
Held að það sé útbreiddur vilji landsmanna nema þeirra sem sitja á þingi fyrir núverandi flokka eða eiga von um það.

Grín dagsins:
Ég er að drepast í eggjabökkunum.(Þeir sme hafa séð flóna skilja)   

Athugasemdir

[Sigurlaug (IP-tala skráð) 1.2.2009 kl. 18:30]

Hahaha fló á skinni var snilld, fór fyrir ári síðan eða eitthvað hehe;)