Long time no seen...

Já það má með sanni segja að það sé orðinn góður tími síðan ég bloggaði.
Er ekki við hæfi að óska ykkur(báðum) dyggu heimsækjendum síðunnar gleðilegs árs.

Jólin og áramótin voru haldin í faðmi fagurra fjalla á Norðurlandi.
Áramótin sínu betri og skemmtilegri ef hægt er að mæla slíkar hátíðir.
Ekki það að jólin hafi ekki verið yndisleg.
En kirsuberið ofan á annars alveg yndislega köku var að Magnús kom heim á öðrum degi jóla.
Hann er reyndar enn á landinu með mömmu sinni í víðreisn um Norðurlandið.

Flugeldar voru sprengdir og matur í óhófi etinn.
Alveg eins og það á að vera.
Eftir áramótin var ferðinni heitið í sumarbústað foreldranna.
Þar var að sjálfsögðu etið og slakað á í faðmi fjölskyldunnar.
Dularfulli gesturinn nýjasti meðlimur fjölskyldunnar "fékk" að fljóta með.
Bara draumur í dós.

Ég ætla að reyna að lífga þetta blessaða blogg aðeins við.
Ég mun samt reyna eftir fremsta megni að pirra mig ekki á því að fjalla um málefni líðandi stundar nema þá þau sem ánægjuleg eru.
Dæmi um slík mál er t.d að næstkomandi laugardag eru allar líkur á því að Man Utd verði á toppi ensku úrvalsdeildarinnar.
Annað dæmi um slíkt er t.d sú staðreynd að ég er yfir mig ástfangin.(fiðrildi flögra)
Bara spurning hvernig manni tekst að klúðra því... hmm...

Sagði skilið við Hvalalaugarnar um daginn og fjárfesti í nýju korti í Sporthúsinu.
Það lofar bara góðu.
Hef ekki ennþá oltið af hamstrahjólinu...
Né bitið í slátur...
En strengirnir eru mættir á svæðið...
Það er góðs viti...

Gullkorn vikunnar:
Finance and fokking
She had better

Over and out...