Hugarangur... munnangur... eða kaupangur

Miklar og margar skilgreiningar amma sagði mér.
Dadaraddadadadaraddada...
Amma Dreki er einstök perla sem .... *fyllist upp að vild*.
Sumir verða fyrir hugarangri.
Ég hef orðið fyrir hugarangri.
Verð reglulega fyrir hugarangri.
Sagt er að til sé lækning við hugarangri.
Mér var sagt af fróðum miklu frekar en fríðum manni að svo sé.
Lækningin kallast hugarró.
Spurning um að fara lesa sér til um slíkt.
Hélt alltaf að það væri eitthvað ofan á brauð.

Munnangur kannast vel flestir við.
Lækningin þar var mér sagt af Ömmu Dreka á sínum tíma
felst í því að borða appelsínu.
Appelsínur eru súrar.
Það vita flestir.
Sýrur í appelsínu í opið sár svíða.
Það er líka almenn vitneskja.
Við mínum munnangri sem felst í því að tala of mikið stundum um of lítið.
Eða já jafnvel að tala of lítið um of mikið.
Allt eftir því hvernig á hlutina er litið.
Appelsínur virka ekki á slíkan munnangur.
Spurning um að fjárfesta í kúlu-gagi A la Adam og Eva...

Kaupangur lítill og skemmtilegur verslunarkjarni á Akureyri.
Þar var og er kannski enn AB búðin.
Þar fór ég einu sinni alltaf í klippingu.
Þar var lokaverkefnið mitt i HA prentað og bundið inn.
En ætli Kaupangur í dag sé ekki þekktastur fyrir að hafa selt borgarbúum Laugaveg 4-6 á spottprís.
Hugsa það.
Í dag hef ég ekki kaupangur, enda ekki farið í verlslunarferð í langan tíma.
Hmm það er hugmynd...

Hugleiðing/Speki dagsins:
Verkefnið verður að fjalli þegar þú hefur það fyrir framan þig í heilu lagi.
Ef þú brýtur það niður í smærri einingar, sem auðveldara er að ráða við,
verður miklu léttara að ljúka því og láta það ekki dragast.

P.S mæli með að brjóta það niður í ekki færri en 12 brot