Kóngabláa þeysireiðin...

Helgi um helga frá helga til helga...
Fín helgi hjá mér...

Þvílíkur bjarnargreiði sem það var að sitja í The dhick magnet sem bróðir minn var að kaupa.
Þó svo að útlitið hafi verið flott og lookið alveg 100%.
Þá eru þeir tímar búnir að það sé útlitið sem skiptir máli.
Já eða stærðin ef því er að skipta.
Maður er farinn að hljóma eins og kerling. (ekki eitt orð Elli)
Var semsagt á Akureyri um helgina.
Kóngablái extra lági bíllinn hans bróðir minns komst heilu og höldnu.
Einu sinni skipti það mig máli að ég væri á cool bíl.
Núna vil ég að það fari vel um mig í honum og það sé gott að keyra hann.

Svo koma nokkrar rollur hérna í tilefni af dúnmjúku lambalæri helgarinnar:
Fjársöfnun: Smalamennska
Fjárútlát: Þegar ærnar eru settar út á vorin
Fjárvarsla: Það að geyma kindur
Fjárveitingar: Þegar boðið er upp á sauðket í matarboðum

Hugleiðing dagsins:
Hver sagði eða hvar stendur?
"konur skulu þegja á mannamótum og ekki tala nema á þær sé yrt"

Gáta dagsins:
Feðgar eru á ferð í bíl.
Skyndilega hvellspringur á öðru framdekkinu.
Faðirinn missir stjórnar á bílnum sem endar á tré.
Faðirinn lætur lífið samstundis en sonurinn er fluttur með hraði á næsta spítala.
Hann er með alvarlega höfuðáverka og þarf að gangast undir aðgerð ASAP.
Honum er trillað inn á skurðstofu þar sem læknirinn tekur á móti honum.
Læknirinn segir NEI ég get ekki gert aðgerð á þessum dreng.
Þetta er sonur minn...

Hvernig má það vera?

Þess ber að geta að reyjinn reiknaði síðustu gátu rétt.

Þess ber að geta að ég á afmæli í október...

Athugasemdir

[reyjinn (IP-tala skráð) 7.4.2008 kl. 10:49]

Þetta tímabil þegar það skipti þig máli að bílar væru cool hefur væntanlega komið eftir Fífí?

Annars var læknirinn móðir hans. Nógu oft svarað þessari gátu vitlaust til að muna þetta nú orðið.

[Ellert Guðmundsson (IP-tala skráð) 7.4.2008 kl. 14:28]

Nei ekki orð frá mér  Gaman að sjá þig um helgina og alltaf áhugavert spjall hjá okkur um (kven)menn og málefni.

Kv Ellert

p.s: varstu kominn með Fjárnám = kindur í skóla :)

[Nanna Katrín Kristjánsdóttir, 7.4.2008 kl. 14:54]

Hehe þekkti þessa gátu.  Þú þarft eiginlega að eyða svörunum áður en fólk sér það.

[Freyr Hólm Ketilsson, 7.4.2008 kl. 15:10]

reyjinn: við skulum tala um fífí af mikilli virðingu.
Fiat árg ´86 fyrsti bíllinn minn.
Kannski maður skelli inn einni færlsu um hann af nógu er að taka.
En já læknirinn var móðir drengsins.

Já Elli minn ávallt áhugavert að taka bolla með þér sko.

Satt er það Nanna, sérstaklega þegar maður á vona athygli sjúkt yngra systkyni. 

[Jenný (IP-tala skráð) 7.4.2008 kl. 20:06]

Ég bara VARÐ að segja þetta Þetta stakk mig svo í augað...

...Reginn
um..Reginn
frá...Reginn
til....Regins

Nema Reyjinn sé eitthvað sér lenskt nafn, maður spyr sig...

[reyjinn (IP-tala skráð) 8.4.2008 kl. 09:59]

Ég geri mér reyndar alveg grein fyrir því hvernig á að beygja nafnið mitt. Þessi afbökun á því er hins vegar minn einkahúmor gagnvart öllum þeim sem hafa í gegnum tíðina ekki einu sinni haft hugmynd um hvernig skuli skrifa það. Held meira að segja að Reyjinn sé ekki einu sinni versta útgáfan sem ég hafi séð.

Finnst það afskaplega sérstakt að þetta séu viðbrögðin þegar maður á annað borð nennir að skoða rausið í þér bróðir sæll. Athyglissýki! Huh...