Hæ hó jibbí ja jey það er kominn...

Kannski ekki alveg 17. júní en allavega 1. apríl.
Það er komið vor í huga og næstum því held ég bara líka í raun.
Hvað gerist þegar vorið fer á stjá?

Þá gerast hlutirnir sko.
Golfvertíðin byrjar.
Það er skemmtilegra að ganga á fjöll.
Útivist að öllu tagi verður möguleg á skerinu.
Að liggja í Nauthólsvík eða við Austurvöll bara lúxus.
Ferðast innanlands og heimsækja Akureyri oftar.
Sundlaugarnar heimsóttar og þar legið og Mmm já akkurat.

Fyrsta golfæfing vorsins fer fram síðdegis í dag.
Þar kemur stóri sannleikur í ljós.
Get ég eitthvað í þessu sporti?
Stefnan er tekin á ferð með vinnunni til Manchester seinnipart apríl.
Þar verður komið við á golfvöllum.
Úff það verður ekki leiðinlegt þegar season-ið byrjar.

Getraun dagsins:

Hvaða merki er þetta?
Vísbending 1. tilheyrir stærðfræði. 

Verðlaun verða kynnt síðar þegar ég sé hver sigurvegarinn er.
Fer t.d ekki að sóa humarveislu a la Ormurinn á hvern sem er.

 

Aukaspurningar:

Úr hvaða texta eru þessar laglínur?
Þrír íslenskir dægurlaga textar sem á einhverjum tímapunkti ég hef haldið mikið upp á.

"Er nóttin kemur fer ég til þín"
"Með angur í hjarta og dirfskunnar móð"
"Ef þeir mig finna"

Morgunstund gefur gull í mund...

Oft er það þannig að manni finnst ekki það skemmtilegasta að vakna á morgnanna.
Ef maður fer á fætur með því hugarfari liggur leiðin bara niður á við ekki satt.
Jákvæðni á morgnanna smitar út frá sér út í daginn það er mín reynsla.

Gunna gamla dó og Jón, maðurinn hennar, hringdi í lögregluna.
„Hvar býrðu í bænum?“ spurði lögreglumaðurinn.
„Við syðri endann á Kalkofsgötu,“ sagði Jón.
„Kakkoffs …, úps, gætirðu stafað þetta fyrir mig.“
Eftir langa þögn sagði Jón: „Hvernig líst þér á að ég dragi Gunnu bara niður á Sæbraut og þið sækið hana þangað?“

Sigfús og Geirþrúður bjuggu í huggulegri íbúðarblokk eldri borgara í Hafnarfirði. Þau urðu hissa þegar drepið var á dyr hjá þeim skömmu fyrir miðnætti eitt mánudagskvöldið. Sigfús fór til dyra og við dyrnar var stór og grimmdarlegur maður sem starði á hann. „Ó, þetta er hræðilegt. Nú verð ég rændur og missi alla  peningana mína,“ hrópaði Sigfús og reif í hárið á sér.
„Ég er enginn ræningi,“ urraði maðurinn hneykslaður. „Ég er nauðgari!“
„Guði sé lof,“ sagði Sigfús og andaði léttar. „Þrúða mín, þetta er til þín!“

„Þú kemur seint,“ sagði dökkhærði barþjónninn við ljóshærða barþjóninn.
„Já, ekkert skrýtið, ég varð vitni að hræðilegu slysi á leiðinni. Það var eins gott að ég var búinn að fara á skyndihjálparnámskeið!“
„Hvað gerðir þú?“ spurði sá dökkhærði.
„Ég settist á gangstéttina og beygði höfuðið niður á milli hnjánna til að það liði ekki yfir mig.“

Hægðir á Íslandi í dag...

Umferðin er(var) í hægagangi eftir að lögreglan beindi þeim tilmælum til atvinnubílstjóra að láta af þessum mótmælum sínum.
Ég segi bara það var komin tími til að almenn mótmæli væru tekin upp á klakanum.
Hingað til höfum við látið allt yfir okkur ganga.
Hvað er eðlilegt við það að ríkið taki u.þ.b 70 krónur af hverjum bensínlítra í sinn snúð.
Var að reyna afla mér upplýsinga um hve mikið ríkið fær í sinn snúð á ársgrundvelli og hve mikið ríkið greiðir til vegagerðar á ári.
Fann þær upplýsingar ekki. Endilega baunið þeim inn í athugasemdum ef þið búið yfir þeim upplýsingum.
Sorglegt að eiga vegakerfi eins og okkar sem víðast er í lamasessi en þó ekki alls staðar.
Það er í lagi eða verður í lagi á mikilvægum stöðum eins og milli Siglufjarðar og Ólafsfjarðar, sitthvoru megin Fáskrúðsfjarðarganga osfrv(lesist með temmilegum skammti af kaldhæðni).
Örugglega rosalega mikilvægt fyrir þá aðila sem þar eiga hlut að máli.
En hvar er sanngirnin í því, hvernig væri að vera með þó ekki nema sæmilegan hringveg um landið okkar. Svo maður tali nú ekki um höfuðborgarsvæðið og æðarnir til og frá því.
Já ætli það þufi ekki slatta af banaslsysum í viðbót til að menn taki hausinn úr rass****** á sér og geri það sem þurfi.

Í mínum huga búum við íslendingar við bananalýðveldi og höfum látið fyrirtækin okkar og stjórnmálamennina komast upp með allt of mikið.
Hvað er eðlilegt við það að á fríverslunarsvæði eins og í Leifsstöð sé vöruverð hærra en í búðum sem bera tolla og VSK?

Hvar annar staðar en á Íslandi væri bæði Birni Bjarnasyni og Árna Mathiesen sætt í ráðherrastóli?
Ég spyr...

Gaman væri að fá upplýsingar um fyrirhuguð mótmæli bílstjóranna og leyfa almenningi að taka þátt í þeim.
Gef lítið fyrir sjónarmið þeirra sem láta þetta fara í taugarnar á sér vegna þess að þetta hægir á þeim að fara í MAX eða ELKO og kaupa sér raftæki.
Lánin mín hækka allavega ekki á meðan

Power to the people... 

Hégómi vinstri manna er með ólíkindum...

Fyrir réttum þrjátíu árum, á Alþingi 1976,  bar ungur og efnilegur þingmaður Sjálfstæðisflokksins, Ellert B. Schram að nafni, fram tillögu þar sem skorað var á ríkisstjórnina „að stuðla að því að íslenska sjónvarpið geti hafið reglulegar litaútsendingar“.

Litaútsendingar?
Jú,  fyrstu ár íslenska sjónvarpsins voru útsendingar aðeins í svart hvítu.
Í nágrannalöndunum var litasjónvarp aftur á móti komið fyrir löngu.

Saklaust framfaramál?
Var ekki breið samstaða um þetta á Alþingi?

Öðru nær.
Tillagan mætti harðri andstöðu. Var talin stórvarasöm. Vinstri menn fylktu liði gegn hugmyndinni jafnt á þingi sem í blöðunum. 

Á þessum tíma var ekki búið að stofna Vinstri græna. Steingrímur Jóhann Sigfússon var hins vegar byrjaður að láta að sér kveða í Alþýðubandalaginu. Og Alþýðubandalagið ætlaði að rifna af hneykslun yfir tillögu unga þingmannsins. Talsmaður flokksins í menningarmálum á Alþingi, Jónas Árnason, sagði í umræðunum um tillöguna:

"Herra forseti. Margur er hégóminn, sem ríður húsum hjá þessari bjóð. og mörg fordildin, sem Íslendingar ana eftir öðrum þjóðum. Skelfileg er sú árátta þeirra að þurfa endilega að kalla yfir sig hverja þá plágu fordildarinnar sem þjakar aðrar þjóðir."

Og bætti svo við þessum áhugaverðu hugleiðingum:

"Ég hef átt þess kost að horfa á litasjónvarp erlendis. Venjulega hafa litirnir verið svo bjagaðir og svo afskræmdir og svo fjarri öllum eðlilegum litum að hefur verið til stórra leiðinda á að horfa --- og reyndar átakanlegt stundum. Einu sinni sá ég sjálfan Bandaríkjaforseta með heiðgul eyru og grænt nef. Stundum kemst ólag á litaútsendinguna og þá kemur myndin allt í einu í svarthvítu upp á gamla móðinn og mikið verður maður þá feginn. En þetta breytir að sjálfsögðu engu um það að almenningur í þessum löndum, þar sem ég hef séð slíkt sjónvarp, sækist mjög eftir litasjónvarpi. Hinir ríku eru að sjálfsögðu ekki í neinum vandræðum með að útvega sér litasjónvarpstæki, og hinir fátæku spara við sig helstu lífsnauðsynjar til að geta eignast slík tæki, því fordildin þjakar einnig þá fátæku í þessum löndum þar sem allir eru meira og minna truflaðir af auglýsingabrambolti gróðaafla. Kapphlaupið um hégómann, stöðutáknin, --- litasjónvarpið er eitt stöðutáknanna, --- þetta kapphlaup er þreytt í öllum stéttum og allir eiga það sammerkt að sjá ekki eða vilja ekki sjá að margt af sjónvarpsefninu og kannske flest af því kæmi miklu betur út í svarthvítu upp á gamla móðinn. Nei, við höfum margt miklu, miklu þarfara að gera heldur en að fara að koma á hjá okkur litasjónvarpi."  

Undir þetta tók annar þingmaður Vinstri grænna - afsakið Alþýðubandalagsins, Stefán Jónsson. Hann vildi ekki einu sinni leyfa innflutning litasjónvarpstækja. Raunar vildi hann banna innflutning á ýmsum öðrum „óþarfa varningi“:

"Ég get, vegna þess að hv. frsm., hv. þm. Ellert Schram, varpaði fram þeirri spurningu, hvort fremur skyldi leggja höft við innflutningi á litasjónvarpstækjum heldur en t.d. frystiskápum og hrærivélum eða öðrum þess háttar tækjum í gjaldeyrissparnaðarskyni, þá get ég látið í ljós þá skoðun mína að þegar hefði mátt fyrir nokkru leggja höft á hóflítinn innflutning ýmiss konar verslunarvarnings, bæði af gjaldeyrissparandi ástæðum og hreint og klárt siðferðilegum í íslensku viðskiptalífi."

Þetta eru snillingarnir sem vilja losna við bankana úr landi, leysa þá inn til ríkisins aftur ásamt RÚV, að 5% af kvótanum(var eitt af kosningamálum þeirra) verði komið þannig fyrir að fáir einkavinir vinstri manna geti fengið hann í formi byggðasjónarmiða.
Menn geta semsagt selt burtu kvóta sinn stórgrætt á því en jafnframt eiga þeir möguleika á því að sækja um byggðakvóta til ríkisins.

Og hvað er málið með fólk á Suðurlandi að hugsa sér hvað fólk getur verið fljótt að gleyma.
Það varð vægast sagt allt brjálað þegar Árni Johnsen stal og misnotaði sér aðstöðu sína.
Ekki nóg með það að einkavinir hans hafi hreinsað æru hans.
Ekki nóg með að sjálfstæðisflokkurinn hafi tekið honum fagnandi.
Hálfvitarnir við kusum hann aftur á þing.